Kadib markii 01-May-01 waraaqo lagu tilmaamay in ay ka soo bexeen jaaliyada Cali Saleebaan ee Nairobi lagu shaaciyay magaalada Nairobi waraaqahaas oo ahaa kuwo been abuur ah oo aan sal iyo raad lahayn,ayaa jaaliyadu shir deg deg ah oo ay ka yeelatay waxay u xilsaartay arintaas gudi baaritaan ku soo sameeya bayaan ku sheegaas fool xumada huwan,mudo laba maalmood ah oo ay gudigaasi hawl baaritaan ah wadeen kadib ayey soo hor dhigeen warbixintoodii iyagoo cadayn rasmiya keenay, beeshuna markii ay dhagaysatay warbixintaas ayey soo saartay bayaankaan hoos ku qoran
1. In uusan kasoo bixin bayaan ku sheegaasi beesha cali saleebaan,
A.In ay ka dameeyeen bayaan ku sheegaas shaqsiyaad ku caan baxay
isku holcinta beelaha walaalaha ah ee reer puntland,
B.Beesha cali saleebaan waxay canbaarayn u soo jeedineysaa
shaqsiyaadkii ka danbeeyay bayaan ku sheegaas iyadoo balan
qaadaysa in haddii ay ka soo noqon waayaan falkaas aan
magacyadooda usoo bandhigi doono beelaha walaalaha ah ee
puntland sharcigana lala tiigsan doono,
C.Beesha cidina kuma hadli karto kumana qaraaban karto mageceeda
mawqifkeeduna wuu cad yahay,
D. Beeshu iyada ayaa isku kalsoon wixii ay ka tabanayso beelaha
walaaleheed ah ee Puntland waxay aaminsantahay in ay wadahadal
iyo walaalnimo ay ku doonato sidii horay looga bartay,
E.Beeshu waxay aaminsantahay in Boosaaso ay tahay Xarun
Soomaaliyeed oo aan cidna laga sheegan karin looguna goodiyi karin,
HADDABA Beesha cali saleebaan oo ah beelaha hormuudka nabadeed ee puntland iyo soomaaliyaba waxay ugu baaqaysaa beelaha walaalaha ah ee reer puntland in ay iska kaashadaan dadka wax magaratada ah ee caadaystay falalka warxumo tashiilnimada ah ee wax u dhimaya nabad gelyada iyo jiritaanka reer puntland