1. Sidee xal loogu helikaraa arimaha Soomaaliya?
   
2. Waa maxay sabata ugu weyn ee Soomaaliya ay nabad u noqonweyndey 11kii sano ee ugudambeeyey?
   
3. Maxaa hortaagan in DKMG qiyaastii sannad iyo bar kadib ay dhaafiweydo xamar iyo nawaaxigeeda?
   
4. Maxaa hortaagan in xal loohelo arimaha siyaasadeed ee Puntland?
   
5. Intee in le'eg ayaa aqoon-yahanka Soomaaliyeed ay kuleeyihiin eeda ah in aysan keenin ra'yi wax socodsiinkara, mase waanba lagahoosqaadin ra'yigoodii?
   
6. Yaa qabqable dagaal (warlord) lagu tilmaamikaraa, hadiise Soomaaliya ay nabadnoqoto maxaa kuwa arintaas kusifooba lagayeelayaa?
   
7. Marka nabad waarta lahelo, sidee loodhaqan toosinayaa ubadkii ku barbaaray dagaalka Soomaaliya?
   
   

Ka qaybqaado DoodFuran

Waa qayb kamida su'aalo marar badan soo noqnoqday oo ay siyaabo kaladuwan nagusoogaarsiiyeen akhristayaasha SomaliTalk, waana kuwo u baahan in si cilmiyeysan looga wada doodo ama looga wada hadlo.

Si doodaas ay u hirgasho ayaan qaybtaan ugu qoondaynay akhristayaashu in ay si toos ah afkaartooda si furan ugu dhiibankaraan.

Fikradu waxay kamidtahay waxyaabaha ugu qaalisan ee lagugaarikaro horumar ay gaaraan bulsho, waa hadii fikradaha dadweynaha la ururiyo, la dhegeysto, lafiiryo waxyaabaha ay dadweynuhu kacabanayaan iyo waxa ay rabaan in sidaas ay yihiin lagusiiwado ama lasii hagaajiyo.

Sidaas darteed, waxaan ku baraarujineynaa qorayaasha taladooda dhiibanaya in ay ka kudadaalaan sidii ay wax uga qorilahaayeen waxyaabaha rasmiga ah ee xalka u baahan iyagoo weliba aan ka tegeyn caddaalada, islamar ahaantaana muujinaya sida ay u arkaan xalka. Sidoo kale waxaa qofkasta oo ma'uul ka ah Soomaaliya lagudboon in uu u fiira-yeesho waxyaabaha ay dadweynuhu ka hadlayaan in ay yihiin kuwo xal u baahan.

Haddab akhristow, waxaa lagayaabaa in taladaadu ay keento xalkii nadabada Soomaaliya, idanka Allah, ee fadlan si cilmiyayasan uga qayb qaado doodaan furan.

Doodaan waxay daweynaha u furantahay toddoba beri lagabilaabo September 29, 2001, insha Allah.

Mahadsanididn waqtigiina qaaliga ah.