各位街方鄉俚, 才子佳人, 俠女大俠, 聖僧咩擔 )))

小號今日啟業, 有幸文兄, 文嫂嚮恕大排延席...
小弟獻一獻醜, 寫首賀詞, 恭祝佢兩白頭偕老永結同心...

【 滿 庭 芳 】 賀 新 婚

郎才千斗，女貌羞花， 喜訂花月佳期。
鳳凰于飛，合巹酒香醇。
萬方親友齊賀， 龍鳳配，佳偶天成。
笑聲中，神仙眷屬，同詩詠河洲。
香車迎淑女，幾許歡樂，互對詳陳。
瓊漿宴嘉賓，滿堂吉慶。
今朝誓約白頭，情永久，共諧鸞鳳。
心印心， 微言片語，詞調寫情真。

哇哇....鷹哥...乜你又會咁快手o既?

佩服! 佩服!

咁...咁...我唯有唱多隻歌仔賀賀佢地啦:

請留意歌詞...騎騎騎....

至 "lum" 情歌 (文哥對住文嫂唱)

我為你著迷　為你著襪唔著鞋
陪你行街睇戲　俾埋電話費　愛你　我在所不計

你煮菜　我洗米　食晒的碗碟我自己洗
我唔再去睇第二的女仔　你都唔好　去溝仔

我　會一生一世　俾好多家用你洗
但是你要同我　你要為我　生好多好多個仔
你係我一生一世　至愛的皇帝
你話唔制　唔制啊　我至鐘意睇你咁樣　詐詐諦
(哎呀皇帝　點解唔制　我地兩個一起　詐詐諦)

哈哈哈...都嚇得下人啊o可...

靜靜雞話妳知, 妳千祈唔好爆嚮口...
呢首野係舊年我個紅顏知己結婚, 我寫落送俾佢o既...
正所謂詞唔怕舊, 最緊要係受丫嘛...

哈哈...你都蠱惑啦....嚇得我丫...
我o係度諗, 冇奶油假, 呢個消息你o岩o岩知o者,
咁快就作到首詞出蒞? 真係俾你嚇個半死呀...hehe...

唉~~~ 我才高八斗欠七...
點可以七步成詩至得假...
呢首野寫左我三個幾禮拜o架
佢娘親竟然叫佢姐夫擺酒果晚當場朗誦喎...
我更係即時了左入廁記啦.

A TOAST TO THE BRIDE AND GROOM
by Marlyn Smith

On this planet where crying abounds
I can�t wish you joy and no sorrow,
But I can wish you hope as you pass through those times
That you wake to a brighter tomorrow.

On this planet where tides always flow
I can�t wish them never against you,
But I can wish you strength as you pass through each storm
And God�s tender mercy to help you.

I wish for you love and delight and great kindness,
And enough wealth to ease others?needs,
I wish you some songs - and also some silence
- God�s spirit to guide where He leads.

So, stand on the promises of God your Saviour,
Fall on His mercy and grace,
Sing with joy, with laughter and merriment,
Live as those who know this world is not their resting place.

Prosperity and happiness in your life together,
Soft answers that turn away wrath,
A future that�s shaped by positive values
And God�s richest blessing now on your both!

見大家咁高興, 等我蒞鬧新房...

“I am.” is the shortest complete sentence in English.
What is the longest sentence?

6 pm.

等我都post番首古老o既結婚吉祥語得:

今夜送洞房
鴛鴦湊成雙
明年生貴子
得中狀元郎

kekeke.....

丁姑娘 )))

我講既係 I am 呀...唔係一點鐘呀...

個答案係 “ I DO!”

車...咁我見你有個full stop嘛...
不過, 你都知我最怕估野o架啦....hehe...

呢個答案你好恨講個喎..
綵排定都o岩o架啦...哈哈...

國內一雙戀人結婚﹐新郎新娘都是英文教師。
有人出打油詩作上聯賀之﹕

新郎新娘Very Good,
洞房花燭Foot 對Foot,
一個Pass一個 Shoot,
其中滋味Understood。

中英押韻﹐含意抵死。賀客要求這對
新人以中英文對下聯﹐結果交白卷。
雪翁按﹕夥伴中若有新婚者﹐願借花敬佛﹐祝其佳偶天成。

鞋 ))) 妳都唔明我個笑話...

[呢個答案你好恨講個喎..]

鞋 ))) 可惜佢 keep 住講 " I don't" 哩...

我蒞亂對...丁姐唔好鬧我...

老公老婆 getting bored
巫山雲雨 more 又 more
千條 swim 那條 score
就裡感受 only sored

kakaka....

亞鷹嘜：longest sentence 係咪 life imprisonment 呀？^.^

恭喜恭喜，幾時有左身紀？講開又講，每次呢亭場合，總有幾個搞X棍響度搞搞震，自己又唔係潑得，又要捉人潑，非常之甘無品，大家有無同感？

和記

longest sentence 係 “I DO” 呀...

[大家有無同感？]

here! here!

"SENTENCE" FOR LIFE
HA HA HA

【離亭燕】
驛館千紅開遍，酒後滔滔雄辯
回首窗前遊野處，幾許俊詩才彥
傾刻雨風吹，空嘆人情多變

冷語冷言聲囀，痴嗔猶來操演
聞道此心如明鏡，箇中假真誰辨
事過景如今，三杯且將愁遣

啊....和記...無他o既...萬物皆有其作用...

就以一篤屎咁蒞講丫...
拿....假若我係一篤屎o既話..
起碼就唔會有人一腳死力咁踩落去啦...下話?

kakaka......

哎呀))) 丁美人...因何妳要將自己比作這...這...這...唉~~

鷹記, 用自己蒞比好過將人蒞比丫...

唔通你想我俾人dup死麼? keke.....

邊果敢dup妳呀? 等小王拉佢出去凌遲...

亞丁幫辦：我細個試過比狗咬....甘你驚唔驚狗架？

大膽鷹嘜！！人來！大look鑊架待侯！！再加Advocaat再加kalua再加珠肛橋牌生抽王....死未？

哎呀))) 和記做咩咁大火呀?
我好量淺咋喎, 想醉死我咩...
因住我個朋友要你倍番俾佢啵...

亞丁幫辦：我細個試過比狗咬....甘你驚唔驚狗架？

和記, 真係俾狗咬就未試過, 細個時成日發夢俾狗咬....
所以畢樓都好驚狗o架...不過依家冇咁驚lu...
因為同佢地接觸過...都唔係咁得人驚o者...
摸熟佢地d脾性就ok啦...不過佢地惡起蒞都幾係野...
就今日之嘛, 見佢地o係度爭地盤...
平日擺哂尾個可愛樣冇哂....噬起棚牙個死樣不知幾咁恐怖呀..怕怕...

亞丁幫辦：甘你仲去扮果件正野？好惹狗個播.....

大麻鷹：驚呀利？都仲未出‘你甘既’蠔油呀，我話你聽....

[細個時成日發夢俾狗咬]

Hahaha....又會發埋d咁既夢o既...

[見佢地o係度爭地盤...平日擺哂尾個可愛樣冇哂....噬起棚牙個死樣不知幾咁恐怖呀.]

大小姐呀))) 而家係爭地盆呀, 唔係對親家呀...
梗係要張牙舞爪架啦...

嗚.......嗚...嗚....都話不要怪我係處亂發up瘋架la！！

嗚....嗚......嗚.............................嗚嗚嗚

....玩到咁大....鳴...捉人上轎.....咁都得....還我清白

！！！還我清白呀！！！！以後都敢再出聲la............怕

怕o羅！

文嫂, 乜妳咁冇良心o架?!
我依家幫左妳喎, 仲o係度撒賴?!
唔駛扮野o勒, 我問文哥, 就妳答...
問妳咩, 就文哥答...仲唔係玩心靈相通?!
而且你地真係天造地設, 夾哂咀型添...
拿...妳好似仲未俾利是我喎...點先?
速速磅咪兩頭望呀...講到錢...阿嫂都冇面俾o架...

丁丁呀...

乜妳咁呀...都話利是咯, 利利是是丫嘛...千祈唔好動氣...

仲有呀...文嫂怕醜嘛, 初歸新抱, 點都要扮下嬌羞啦...唔通做個飛擒大咬咩...

鷹王說的是! 可是...
細細聲講: 唔係咬左咯咩? keke...

哈哈哈 ))) 大大聲講...我唔係 peeping tom )))
所以, 我都唔知係唔係咬左啵...
再細細聲講...咁駛唔駛驗頸哩?

驗頸? 唔好咯o卦...
一陣俾人話你非禮咪幣傢伙?

啊!原來「頸赤」即係「為食」係o甘蒞o既。

(目光呆滯、流緊口水仲要雙目平望甘款) ：呢鑊真係慘過比狗咬，英格蘭、威爾斯同德國，買三場就瓜足三場.....

英格蘭既表現真係令人嘆為觀止.......甘差！

徹夜持觴月漸殘，孤襟遒覺曉風寒
庭前百卉花零落，案上書箋墨漸乾
賦罷輕吟心已亂，杯翻醉步意難安
華陀若可施仁術，定取洋箏為爾彈

何時朗月照西樓
此夜寒光過別州
賒得三杯銷舊恨
誰知酒醉惹新愁

一年醒醉又中秋
今夕伊人院裡留
祈盼弱花逢國手
三生石毀可重修

愁，片片丹楓逐水流，重牽酒，且醉滿園秋

楓，又遇霜寒染萬紅，千山外，佇立對長空

歸。雁字行行送落暉。欄斜倚，又舉斷腸杯

楓，觸目蕭條遍地紅，雲深處，離雁又當空。

蓮，淡抹清香惹蝶纏，泥難染，孤傲水中仙

望，寂寞空閨懶添妝。飛鴻遠，珠淚落穹蒼

望，寂寞空閨夜漸長。飛鴻遠，珠淚落穹蒼

離，此去飄霜再會期。窗前盼，白雪幾時回

亭，獨立園中聽鳥鳴。秋來去，見盡別離情

花，傲展嬌顏實可誇。丁香舞，風送到誰家

緣、千年同船渡、野花香、霧鎖不見岸

緣、千年修來同船渡、野花香、霧鎖不見岸

癡，夜夜憑窗盼月時。求青鳥，代送誓情詞

【江城子】重九幽思

花飛葉落又逢秋，上高樓，月如勾
當年煙雨，未肯為君留
霧鎖庭園深幾許，人去後，賸離愁

未曾憐取那溫柔，付鴻鷗，救無謀
天涯孤墓，獨自望江流
一炷清香和酒淚，遙望處，濕襟頭

子夜無眠憶落紅
三杯冷酒祭遙空
輕吁又怕新人問
強笑重斟醉晚風

【鳳簫吟】
又重陽，登樓望遠，縈縈往事煙堆
海角埋倩影，葉飛花落，獨對斜暉
淒涼仍是妳，有誰憐，冷雨風吹
舊恨悔當年，別時未訴離離

愁思
清香飄渺，靈前酒，且醉三杯
芳魂遊萬里，奏河簫鳳曲，綺念何依。
花前憑玉照，故園中，猶自傷悲
夜寂靜，柔腸寸斷，淚向泉台

今日碰見一個失蹤多年o既衰人, 令我憶起一個過世o既朋友...

【多麗】憶故人
倚高樓，遠天微月如勾
憶前塵，青梅故友，雙雙竹馬同遊
荳蔻初，喜言春到，籬菊晚，未怨逢秋
短髮天真，凝脂皓齒，花間起舞顯溫柔
少年事，笑聲無數，沈醉盡忘憂
誰能料，風雲驟變，歡笑難留

遇江生，芳心暗許，願能齊詠河洲
尚溫存，甜言蜜語，嚐冷莫，畫客風流
眉鎖春山，花顏寂寞，錯牽紅線怨無尢
紫燕渺，未遺一語，身後事悠悠
如今我，試提禿筆，細賦幽愁

唉....料短髮，朝來定有霜....

撞鬼law，詩興大發添.....^.^

十三變...
霜雪禿頭現...師姑未見憐...
男兒淚...輕濺...
冤冤冤...怨怨怨...

好玩...好玩...kakaka.......

我又玩...

十三變
面上紅光閃，酒後眾花憐...
吻一個，粉殮...
甜甜甜...厭厭厭...唔...討厭

kakaka....

幾樹幽懷幾樹癡，寒風搖曳訴愁思
春來嫩綠連心繫，秋過殘黃拂首辭
多少相依留不住，只餘明月照空枝
如今墨客傷園景，試作人間酒淚詞

【河滿子】
雨過滿庭花落，秋風摧送微寒
一片彤霞浮倩影，嬌羞彷似從前
別後幾回腸斷，酒醒酒醉難歡

此處星光冷冷，那方明月娟娟
海角知己長在眼，天涯兩地魂牽
電訊叮嚀慰問，相思共語纏綿

【河滿子】
蓑柳悄然垂首，籬黃無奈凋零
煩雨又來牽舊事，微風更擾簾旌
落寞憂懷意緒，幽幽怎續詩情

敢問燕飛何處，多時未有和鳴
夜夜窗前猶獨坐，忍看站冷人清
但願花顏安好，那時再現熒屏

【八六子】
望銀屏
淡愁縈縷，多時未見蟲鳴
念海角丁香飄渺，站中嬌燕何方，悵看遠星

為何人事淒清
空有一簾花影，滿胸盡是憂情
怎忍見
歡娛似隨流水
鳳音歌杳，薛濤詩減
那堪夜夜孤燈照影，無人可共相傾
數寒更
楓園漏長夢驚

鷹哥, 你好嘛? 丁記冇事呀!
呢輪幫人代課, 冇時間上蒞咋...
唔好意思! 教 鷹哥擔心了!
罪過! 罪過! 我都好掛住你地呀...嘻嘻.... ^^"

嘩!! 四姑娘果然猛料, 當起人之患蒞...
我就慘咯, 上錯賊船, 今勻係一入侯門深似海...要重拾書包呀陰公...

妳消聲匿跡一排, 渺無音訊確實令人擔心, 不過見妳無恙就好...
就咁脆脆地寫番幾首詩詞歌賦啦...

人之患!? 不敢當! 只是重操故業吧了!
古語有云: 做到老、學到老嘛! 何慘之有?

幾首咁多?! 唔係化!?
照現時情況, 半首都未必竇得出o番....騎騎....

哈哈...唔知妳記唔記得當年婦解o既時候, d女人做過咩?
我又學人燒....不過係書包...估唔到要再蒞背著書包上學堂.

重操故業? 哎呀))) 原來我一直係同緊個老師對話o架?
而家至揭穿妳個盧山...鞋....

未揭穿....不是你想像中的那種.....嘻嘻.... :p

Hi! 見到妳出現真好! 我正在想妳不知發生了什麼事? 我想如果再見到妳, 一定要打個招呼, say hi! ......

hi...呢位冇名氏...你好...
多謝你關心呀...請問你係乜水呀...??

妳是我上網碰到的第一個網友, 俱往矣, 妳可能對我沒興趣. 我只是久不見妳出現打個招呼而已, 並無其他! (我驚驚地妳的脾氣, 哈哈......)

呵呵~~原來是妳! 久違了!

嚴格來說: 我是對大部份的事與物都沒多大興趣, 尤其是關於人際關係的~
目前我最大的興趣就是「自閉」。我的脾氣沒人驚才算是新聞呢! 哈哈~~

不過我向來都是我行我素, 直性子, 但對事不對人, 亦懶於花功夫解釋, 所以好多時都會做成誤會。死症蒞o架!

無論如何, 多謝妳的關心!

【調笑令】
秋晚，秋晚
小園黃花漸冷
香塵遠去無憑
寒夜空有月明
明月，明月
照盡人間離別

緣，此物何由問句天。心煩鎖，緒亂不成眠

有人說現在的人大多喜歡上網, 少了和人溝通, 所以大家都有「自閉」傾向, 哈哈......

以前的不開心事, 我是一直覺得很可惜的, 現在說來是明日黃花啦, 不說也罷, 總之大家都平安喜樂就好. 我一直有來這裡瀏覽, 這次久不見妳出現不禁擔心起來, 因為妳是很不開心也不會離開這麼久的, 妳沒事就好.

我也很掛念另一方的人, 個個都不見出現了, 希望大家都是工作忙碌而已, 不是有不開心事......

還是只喜歡玩對聯的 布歐 令人放心, 現在越來越少對聯玩了, 不知他有無興趣去詩詞論壇玩? 那裡倒是每天都有聯句玩的.

我好像很多事......哈哈......

【相見歡】
天涯未送春風
暖芳叢
愁見落花流水恨無窮

天無定
緣難盡
盼相逢
惆悵兩身仍在別離中

【相見歡】
當時柳暗紅微
蝶雙飛
送別長亭餘恨未牽衣

彈清淚
怨天意
與心違
淡酒一壺花下盼人歸

一切皆緣也! 以平常心對之好了! ^^

是呀, 一切皆緣也! 我雖然見熟了一個人, 最後不見了, 也總想他們平安喜樂, 不過, 這是不到自己控制的, 唯有以平常心對之了!

留了上一段留言後, 我對建議 布歐 去那裡玩的那句有些後悔, 好像懷有目的似的, 又不能增刪, 其實 天下文壇 也一樣有對聯玩的, 我只是覺得 布歐 玩對聯那麼好, 希望有機會再欣賞他的聯句而已. 我總是改不了想到就寫的魯莽個性, 哈哈......

哈哈，千面神探o甘多化身，真係有D懷疑無名氏小姐係o米即係四兩。

o拿o拿o拿，叫o左你班女子唔好o甘猴擒，又o係度爭仔?不過阿布公子都未去過我D檔口，喂，現o下身好喎...

千面神探好早些改行啦! 我地 d 說話又關爭仔乜事? 爭仔喎, 傻0既! 哈哈哈......

偶拾丹楓試賦詞
淚溶瀋墨寄相思
寒風驟過飛無影
賸我殘餘夢裡癡

死人冰糖葫蘆咪up得就up o番~
我一早都同你講過, 我化身雖然多, 但斷唔會玩自問自答個o番...你d咁o既推理, 渣到唔恨!
不如執左間爛鬼偵探社, 疊埋心水開學堂好過啦...
信信我告到你甩褲丫拿! -_-"

丫啋))))))) 仔都好爭o既?! 唔係要蒞玩o既咩?

kakaka....

顧住鬧人...唔記得答呀無名氏小姐添...
計我話去邊度玩都唔打緊...最緊要好玩!

呢輪唔見阿布公子蒲頭, 一定係好忙定o勒...

仲有呀, 想玩對聯之嘛...大把地方啦...
例如阿冰果老o個兩度, d對聯多到妳以後見到對聯都怕怕呀...去睇下啦:

http://www.yehun.com/cgi-bin/forums.cgi?forum=2

http://www.awmhe.com/cgi-bin/forums.cgi?forum=38

冰果老, 同你賣行廣告啦...承惠10萬9仟7啦....唔該...

kakakaka........

子夜挑燈把業修，簷鈴悸動亂心頭
推窗望月人難靜，回案翻書意未休
怕想花容嬌且媚，驚看燕影半含愁
忡忡試向瑤琴訴，曲盡歌殘淚漸流

心魔難除...情何以堪.....唉.....

【更漏子】
寒月明，孤影瘦
寂寞憑欄時候
鶯歌渺，杜聲啁
聲聲添怨愁

持冷酒，送更漏
心盼重牽紅袖
再相擁，續溫柔
雙雙証白頭

無名小姐，真是妳嗎？幾日冇上來，現在才看到....詩詞論壇以前去過，但只能睇，不能post，丁丁最清楚了，故近來較少去....其實我上網時間甚少，只在收工前吞pop上來，而對聯大多是即對的，太多亦應付不來呢......

冰果老，你的場我去過，但因是GB碼，我部機轉碼功能死o左.....睇唔到.....Sorry....

布歐: 當然是我啦, 幾年了, 別人有我咁傻氣冇我咁八卦, 有我咁八卦冇我咁魯莽, 應該估到是我啦, 嘻嘻......

[但只能睇, 不能 post,] 無理由0架? 你只要 click 註冊, 用數目字或英文在選擇使用者名稱填上去, 再在下一行填上你的電子郵件 (e-mail ), 在最後 ok 就行了. 遲些你會收到密碼, 你用註冊時的數目字或英文加上密碼就可以上去 post 了.上去後記得修改註冊資料, 把使用者名稱改為布歐, 唔係我唔知邊個係你, 哈哈...... 不過上網時還是要用註冊時的數目字或英文, 你留言時會主動登出布歐的.

我也猜你很少時間上網, 只是覺得有時這邊太忙沒時間登對聯出來玩時, 可以多個地方玩而已.

【浣溪紗】
夜月淒迷照晚窗
無端細雨送微涼
風吹殘菊已無香

一樹空枝孤影瘦
縈縈往事盡蒙霜
且攜淡酒入黃粱

布公子的問題不是在於註冊, 而是pc問題...
相信他註冊俾妳還早...因我早輪係長期link住隔離村個網址o既...
冇名氏小姐...係人都知妳係邊個啦...
好心打番個靚名出蒞啦...hehe....

【更漏子】
髮如雲，肌勝雪
眉似天邊新月
櫻桃淡，眼波柔
隱藏無限秋

逢酒處，幽懷訴
惆悵未能憐顧
心怯動，恐人知
推杯拂首辭

嘻嘻......丁丁妳好!

妳知道我不同時期有不同名字, 不知不覺共有了四個名字啦. 那我就用和妳打過交道的[烏鴉]來此趁熱鬧啦! 嘻嘻......

桂影朦朧映冷窗，街頭雪舞怨風狂
水中看月眉難展，鏡裡尋花鬢已霜
淚落秋更千里夢，思隨雁影幾迴腸
應知世事憑天意，且盡三杯覓醉鄉

天涯過客話蒼桑，旅久他鄉變故鄉
異族跟前嗟白眼，同根輩裡歎炎涼
懷才未會埋冬雪，落力應能碎厚霜
人海浮沉經十載，修身立業小名揚

呵呵，阿四真係畀面。大陸d網站出親手都好勁，早排春水有一次徵聯獎一億。本來都心郁郁，不過忽然覺得銀碼咁大，好似X通銀行o個d，一把年紀，都係避忌d好...

原來布公子都試過去探班，多謝o羅。布公子又蒞「曬瓜」(show quali.)，o下!次次都係即對?我通常度幾日先對得出。

阿「邊個」同阿「誰」(兩個都o甘多名都唔知點稱呼)，講笑之嗎，唔使出機關槍呱?

講番冰老o個兩檔o野，原本都好冷清，都係o吾忍心見o甘情形先幫o下手，周圍動員網友幫襯先多番d人，跟住自然有人跟住蒞。阿四娘，一個版主其實好辛苦，你都要度一度先得。呢度其實可以多d人，不過你一腳踢招呼唔切。

係呢，點解呢排唔見o靚仔江?又去o左媾女呀?

更鼓頻催月已遷，思縈緒亂怎成眠
離緣千里情難近，相戀多時夢未圓
自問幾回輕路柳，徒嗟不意遇秋蟬
幽懷怕與他人曉，忍奈心魔竟夜纏

我覺得車站以前比現在有生氣得多啊!

點解呢排唔見o靚仔江?又去o左媾女呀?
要溫書準備測驗呀!

【唐多令】
殘月落山邊，濤聲擾客眠
倚欄看，遠樹凝煙
秋夜重臨居燕閣，景似舊，夢難圓

幽思向誰言？心藏愛萬千
酒三巡，緒亂依然
一刻情迷爭自苦，緣何事？問蒼天

【天仙子單調】開夜車
寒夜翻書月朦朧
燈花落盡竟無功
桂花香淡熱茶濃
一頁頁，腦空空
轉眼山邊日影紅

尋星微月夜，楚客未眠時
墨落幽懷滿，吟哦意可悲
窗前長念影，花下又相思
百丈紅塵事，提壺莫問之

【五律】群鬼亂舞
世界醜如何，冤魂亂舞多
屏中爭嫵媚，堂上互傳訛
引典令人笑，查經似唱歌
千般皆漏失，萬事盡咦哦

世路何來風雨聲，私心一片弄才情
群魔獻媚妝難艷，眾丑臨池水怎清
道貌狂稱芙萏客，修行沾污夏荷名
邀翁寥盡一杯酒，莫管他鄉亂黨盟

註: 『芙萏』-- 這個傢伙係『芙蕖』同『菡萏』o既混合體, 這個是針對某某問荷同蓮既關係...

哎...老眼昏花, 犯孤都睇唔到, 平蒞過...

世路何來風雨聲，私心一片弄才情
群魔獻媚妝難艷，眾丑臨池水怎清
道貌狂稱芙萏客，修行沾污夏荷名
邀翁寥盡三杯酒，莫管他鄉亂黨盟

【鷓鴣天】
寒月幽幽映冷窗，叢花已卸舊時妝
難尋過往歡娛事，且盡今宵虎魄香

愁未散，夜偏長，簷鈴泣動訴淒涼
也曾私語情常在，此刻相分兩處鄉

蒞過...

【鷓鴣天】遣懷
寒月幽幽映冷窗，叢花已卸舊時妝
難尋過往歡娛事，且盡今宵虎魄香

愁未散，夜偏長，簷鈴泣動訴淒涼
也曾私語情常在，忍見癡心兩處鄉

【水調歌頭】Calgary Flames 廿週年感懷

阿大冰球隊，千里渡關山
牛城燃起天火，萬眾互吁寒
幾個春秋祈盼，聽盡閒言訕笑，始見偉名傳
八九花城夜，終得坐聯冠

堪回首，繁華事，變塵煙
飛龍落地，門庭冷落有誰憐
一縷愁懷仍在，七載癢痕未解，歲歲待來年
何日雄風現，再奪錦杯還

【三姝媚】
紅塵多變幻。 問人間，因何苦情無限
子夜憑窗，嗟小園零落，寂寥何遣
枕冷衾寒，魂繫處，天涯去雁
朗月星橋，嶂外樽前，夢隨人遠

怎道柔腸深淺。尢怕見，紅顏每多命舛
似鐵郎心，嘆玉容慘淡，姻緣誰挽
幾縷愁懷，任醉醒，癡情未減
佇立殘陽無語，淚凝雙眼

錯繫紅繩誤此身，雙眉暗鎖渡昏晨
幽懷仍念當時夢，淚影長隨苦命人
但見檀郎拳又起，誰憐弱女怨難伸
柔情已去無尢記，且任東風逐逝塵

一生人最憎恨見到o既事就係打老婆, 而最無奈o既係, 個老婆唔肯告個男人.

瑤琴一曲佐秋聲，月照梧桐忽落英
天意弄人空有恨，坊間笑我枉多情
玉壺陳酒澆新怨，禿筆殘詞訴遠城
廿載行來皆錯事，任由閒語道今生

慢步秋山滿袖紅，身臨歧路失西東
長年夢鎖千峰外，一刻情迷夕照中
應讓新愁隨逝水，怕將舊事付蒼穹
何時彩燕回歸日，解我離懷萬縷衷

兒時舊事逝如煙，
獨賸籬黃笑苑前，
鴻雁分飛無覓處，
此時回首盡茫然。

歌殘酒罷莫思量，且攬幽懷入醉鄉
夢去關山空有淚，愁牽咫尺總迴腸
故園孤寂人淒冷，前路迷濛意渺茫
一縷柔情誰與共？心如積雪盼嬌陽

【鷓鴣天】閨怨
夜夜憑窗望遠山，楓園千里夢魂牽
多年眷戀緣虛幻，幾許癡迷意惘然
傷愛苦，斷情難，深閨獨醉淚潺潺
相思許是前生債，以使愁腸此世纏

【鷓鴣天】
一縷深情切莫疑，但憑詩句訴芳姿
緣何追問風塵事，且讓風塵散雨時
鴛夢遠，苦相思，雖然是債亦心癡
天邊朗月堪為証，葉落花飛愛不移

【生查子】
喜逢歸燕時，執手輕私語
莫再怨風塵，與我雙雙舞
圓環表寸心，願作鶯花主
夢醒卻無人，悵對簷前雨

【生查子】
徘徊又幾年，舊夢皆如戲
軟語訴情長，徒令芳心碎

持觴共月愁，月醉人難醉
寫就斷腸詞，換得千杯淚

【生查子】
橋頭送鳳儀，手拂梨花雪
獨佇一江愁，轉眼臨佳節

相逢訴別思，再繫同心結
怕似舊時情，無語輕離別

此路徘徊肩並肩，也曾攜手問姻緣
情迷一刻風雲變，癡戀多時愛恨纏
知否名題花燭上，因何婚約九重天
今番未肯諧鸞鳳，轉瞬紅妝到暮年

蒞過...

此路徘徊肩並肩，也曾攜手問姻緣
情迷爭忍風雲變，癡戀何堪愛恨纏
喜見名題花燭上，怕聽婚約九重天
今番未許諧鸞鳳，轉瞬珠顏已暮年

【西江月】重牽紅線
紫燕重臨故苑，提壺月下花前
青衫微醉問姻緣，望可重牽紅線

數載情拋腦後，如今孤枕誰憐
輕彈曲調訴纏綿，一縷癡心未變

【生查子】
洋箏款款彈，輕唱求凰曲
月照柳枝長，花映顏如玉

佳人頰細垂，羞怯前緣續
美酒醉良宵，春夢銷紅燭

【漁歌子】感冒迎新歲　
歲晚風傷鬼怪纏，
頭暈身冷苦連天
嗟涕淚，落涓涓，
清茶淡粥過新年

鷹記掂未? 等住聽你好消息o架!

雖云小病是福....仍請多多保重啊!

丁記, 謝關心...

鞋...一病就兩年, 真係好似冤鬼纏身咁, 睇住好番少少, 隔日又蒞過. 個鼻仲紅過聖誕老人隻鹿個鼻, 食粥食到我聞粥色變. 老天又唔幫忙, 呢幾日氣溫驟降, 一下跌到落零下廿七八度, 邊度都唔駛去.

或者真係小病是福?（其實都唔算小病, 真係好辛苦... ）
我用我萌晒o既聲, 又彈又唱, 大開冷氣機...可能佢怕我連佢都凍病埋掛, 收左我個介指.
不過都仲係要等佢完左個 contract 先可以返蒞諗婚事, 所以婚約都仲係定於九重天...唉, 咁妳話算唔算得左?

恭喜鷹大佬抱得美人歸

新年新婦慶新春，恭喜恭喜!

鷹0麥﹕

騎騎﹗掂0播﹗今趟仲唔『印印』腳係度唱粵曲咩﹗
『任你風吹浪打呀﹗我都穩坐釣魚船啊呀呀呀﹗』
依爾﹗要練定歌囉窩﹗『肥與瘦﹐肥拖住個瘦﹐
肥似隻Ｘ﹐瘦似馬Ｘ﹗成個老襯﹐從此被困﹗』

~雪蓮子

謝謝各位老友記....

雪翁

哈哈...係唔係穩坐釣魚船都未知...

一日未過門都未敢誇口, 更何況仲係分隔萬重山?

如果半途殺出個程咬金我就乖乖不得了...

肥拖住個瘦? hmmm...睇蒞要去做多d gym, 減左d baby fat 先得喇...
看我昂藏六尺....差幾寸, 泰山壓頂...都應該有十磅八磅可減.

求凰奏罷唱陽關，執手離筵覓句艱
鴛侶將分腸戚戚，叮嚀未語淚潺潺
今宵愛意傾杯底，明日幽懷訴遠山
別後相思人易瘦，望君緊記約指環

鷹嘜，出力！！
你身負民族使命架，下一代中國人口既質素高低就靠哂你啦...

(唉，又一大好青年......)

BTW,乜聖誕老人隻鹿個鼻係紅色既o羊？真係無留意wor。

唏 ))) 十三哥 ))) 好耐無見 )))

浦左去邊? 快快從實招來...

[BTW,乜聖誕老人隻鹿個鼻係紅色既o羊？真係無留意wor。]

哎呀 ))) 您快快返去請教小金蛇, 叫佢教您唱 "Rudolph red nose the reindeer”

[你身負民族使命架，下一代中國人口既質素高低就靠哂你啦...]

Haha...唔好咯...人生多苦, 無謂帶個人仔蒞呢個世界受苦啦. 呢樣神聖任務, 都係留番俾第個罷啦...

鷹記恭喜！恭喜！鐵柱終於成針了~~~~~~

祝你�侘╪p蜜,白頭到老！

如風, 謝謝. 鐵柱是不是真的已成針, 還未說得實.
只可以說是成筆吧? 要想成針, 還要磨鍊, 磨鍊...
皆因還是分隔兩地

有乜去邊丫，自從上次去完雲南之後，呢排成日幫某個NGO跑山，師父教落，錢又搵吾哂既，米學人懶係好心甘做番D應該既野law....

和記

[呢排成日幫某個NGO跑山]

嘩!!! 終日跑山? 大和尚嘛好快成為森林之王...『泰山』囉?

Seriously, 做善事好丫....正所謂《前人福廕後人享》, 子孫有福矣....

係哩, 甚麼是 NGO呀?

大麻鷹：很認真的說，我對中國從來都只有認同，但只限於文化上，政治上就一點都不認同。雲南走了一回，親見農民的悲傷，貧民的需要，還有教育的缺乏，自己覺得這個國家，有需要的人很多，所以最近常常去"跑山" (即籌款，俗語叫籌旗也)。

BTW，NGO = Non-Governmental Organization.

祝新婚愉快。

[政治上就一點都不認同]

大和尚, 老實講, 政治呢家野永遠都係黑暗既.
中國現在o既當家不好, 誰能肯定換個當家就會好哩?
中國七億人口(是七億吧?), 要全部喂飽不是一件容易的事.
民主自由當然好, 但需要時日, 慢慢蒞. 老土d講句, 羅馬也不是一天建成的. 要人民生活好轉, 就要國家富強. 慢慢來, 我相信祖國人民終會有一天出頭的.

[祝新婚愉快]

嗯...未結, 未結...只是訂左婚.
要結都要等佢做完個合約, 係年幾兩年後既事.
唉, 一日未過門, 一日都唔敢誇口.

恭喜 鷹哥! 賀喜 鷹哥!
收左介指即係掂啦...爭在時間問題o者...

咁咪仲好..多個機會俾你改變主意咯...呵呵呵...

咳...咳...咳...

用左咁多精神, 毅力
仲繞『涼』三日添...鞋, 改變主意果個一定唔會係我.
不要忘記我仲大病一場添, 係真真正正病果隻, 唔係整色整水.

[改變主意果個一定唔會係我.]
咪講得咁口響....你地d男人講o既野...信一成都死呀....
你話我話啦....哈哈哈...

嘩! 乜咁講呀...
都有女方改變主意個啵...
薄倖唔係男方專有既... ^0^

從來薄倖是男兒...乜你冇聽講過咩? 我都領教過啦...

唉, 也不能一枝竹竿打盡一船人o既...

BTW it's his loss...

相知數載繫同心
各佇銀河待鵲臨
空有鑽環留約誓
夜來依舊枕孤衾

[唉, 也不能一枝竹竿打盡一船人o既...]
咁我都同意呢個世上, 仲有d有情有義o既恐龍未死得哂o既...

嘻嘻.....

有情有義? 哈哈哈...

敢問情義何價?

莫非...情與義, 直千金...千山去, 地獄去, 也無憾...

哇哇....轉得咁快....
都話左d男人講野信唔過o架啦...又一證明...死未?!

kakaka.....

【何謂好友】What is a Good friend?

A Good friend is like A Good Bra .......　

Hard to Find
Supportive
Comfortable
Always Lifts you Up
Never Lets You Down or Leaves You Hanging
Makes You Look Better
And Always Close To Your Heart!!!

雪翁戲言

[雪翁戲言 ]

Hahaha....Good one!

我睇過, 曾經想貼, 但係唔敢...都係雪翁好野, 敢作敢為.

[都話左d男人講野信唔過o架啦...又一證明...死未?!]

Wha..?? What did I say?

【臨江仙】
歲晚靈猴迎瑞雪，歡聲嚮徹寒冬
捲簾更見小桃紅
幽香能佐酒，微醉臥花叢

夢裡魂飄千嶂外，佳人月下重逢
相看互訴別離衷
琴箏來唱和，曲韻道情濃

仲唔認喎~

我話男兒皆薄倖:
你話唔好一竹篙打盡一船人。

我話同意呢個世上, 仲有d有情有義o既恐龍未死得哂:
你話敢問情義何價?

仲唔係轉到頭都暈咩? 乜都你講哂啦~ 犯駁~ 真頂癮! 呵呵~~~

呀....唔記得問雪翁, 你的爸有冇鐵線o既先?
如果冇就唔算係好爸喎....kakaka.....

By Carol King


When you're down and troubled
And you need some love and care
And nothing, nothing is goin' right,
Close your eyes and think of me
And soon I will be there
To brighten up even your darkest night
You just call out my name
And you know wherever I am
I'll come runnin' to see you again
Winter, Spring, Summer or Fall
All ya have to do is call
And I'll be there,
You've got a friend, you've got a friend.

咦, 乜雪翁居然知咁爸用, 好野敢作敢為, 連我地咁惡既丁大姐都笑臉相迎, 是吾偶像是也.

丁大姐魂兮歸來, 成個壇都生晒.

鞋...丁大姐, 我問情義何價, 係想睇下我係唔係腰纏萬貫之嘛...

咦, 丁大姐, 乜爸有鐵線個咩?

鞋....大佬瘋, 我地丁大姐係睇人惡假嘛, 對住您同我呢d小人物, 梗係惡屎能登啦...對住雪翁d咁德高望重o既人, 當然係笑面相迎咯...

恭喜兩位大佬! 這個相聲表演萬二分之咁成功! 可喜可賀!

鞋~ 兩位有所不知喇~
丁記邊鼠係惡呢?! 係直d之嘛! 鬼叫依家d人唔鍾意聽真說話咩~ 我都冇偈假~
何況本人一向敬老, 又點會對阿雪翁呢亭咁德高望重o既老人家惡史能登呢?! 係咪?

位位位~ 仲有呀, 依家係咩年代呀?
爸呢亭野, 通街都見有得賣啦~ 駛駛咁大驚小怪呀?!
你地唔好話俾我知, o係楓葉國冇呢亭野, 又或者兩位未見過喎~
依兩位o既經驗蒞講, 幫人卸都卸得多啦, 下話?
唔係加國d女士咁前衛, 個個都響應婦解運動呀嘛?

鷹記, 連爸有鐵線都唔知, 可見你平時做事十分猴擒~
拿, 呢樣野要改改喇, 要對美人細心呵護至得, 明冇? Kekeke~~~

瘋大佬呀, 仲好講喎~ 你d大佬大遮唔上蒞, 個場點會生丫!? Right?

[恭喜兩位大佬! 這個相聲表演萬二分之咁成功! 可喜可賀]

哈哈哈...只不過係想幫貴舖添一點熱鬧氣紛嗟, 唔晒連阿大佬撒都出埋..下話?

[你地唔好話俾我知, o係楓葉國冇呢亭野, 又或者兩位未見過喎]

位位位...大驚小怪果個不是我呀, 我凈係問乜爸有鐵線個咩之嘛...

[唔係加國d女士咁前衛, 個個都響應婦解運動呀嘛]

Hahaha....呢個問題要學布袋和尚話齎, 說不得, 說不得...雙眼唔可以胸襲o既.

[鷹記, 連爸有鐵線都唔知, 可見你平時做事十分猴擒~]

妳鋪話法丫, 卸完仲拿住個爸蒞慢慢研究喎, 想俾人踢落床咩...

[要對美人細心呵護至得,]

就係細心呵護先冇心研究有冇鐵線丫嘛...

[你d大佬大遮唔上蒞, 個場點會生丫]
拿拿拿...我週不時都有上蒞幫親o架, 不過好多時主人家唔嚮恕咋...

【雪翁揭秘】
警告﹕『心智未成熟』或『未足月』者﹐請勿觀看﹗

各位老友﹕

雪翁自幼家境清貧﹐初中時試過去打暑期工﹐幫補一下書簿費用﹐
從報章上看到一間製衣廠﹐話要招請『熟手工友』﹐心想此乃眼見
工夫﹐照計唔會太難掛﹖(Easy 執）﹐於是拍0下心口就走去應徵。
點知『處男下海』的第一份工作﹐竟是『胸圍包裝工』(Bra Packer)﹐
全廠除了老闆､裁床師傅､與及我和一個男工友之外﹐其他的廿多
個工友均是女性。雪翁的臉皮自經此役﹐已鍛練得甚為深厚﹐而且
周不時有人送上免費糖水､零食等等。此廠的貨物全部外銷南非﹐
至細0架尺碼由３８Ｃ起﹐有釘花､有珠片､有薄紗､九成有吊帶﹐
可能係舊款掛﹐應該冇鐵線果0播﹗工多藝熟﹐雪翁的包裝手法比
很多女工還要快捷呢﹗日子有功﹐經過雪翁電眼（有人就話係賊眼）
一射﹐絕大部份女士們的尺碼﹐預測的誤差不會超過一吋。其實﹐
那管它鐵線､吊帶､薄紗､珠片﹐總至能夠勾魂攝魄､充滿自信﹐
達到預期效果者﹐便是『絕世好Bra』﹐然否﹖

警告﹕『心智未成熟』或『未足月』者﹐請勿觀看﹗
~雪蓮子

唉, 小子亦都係自幼家竟清貧, 初中時做既係派報紙, 同嚮果仔舖擺貨...都冇機會做d咁火辣辣o既工...

哇~ 鷹記, 唔係化! 睇見阿爸至喎, 咁都會火辣辣?! 你都可算係衝動派咯~~ ccc.......

[拿拿拿...我週不時都有上蒞幫親o架, 不過好多時主人家唔嚮恕咋...]
er...咁又係, 小鷹子, 都係你至抵錫~ 賞兩個宮女俾過你嘆啦...keke....

er~~~ 又蒞訪問下阿 雪翁, 咁你咁細個就對住對多誘惑, 會唔會對你日後o既成長有d不良o既影響咁呢? cccc~~~~~

丁大姐

宮女我又要, 唔該得閒燒兩個捭我

[唔係化! 睇見阿爸至喎, 咁都會火辣辣?!]

哈哈, 據雪翁講, 係日日對, 日日摸啵...

[小鷹子, 都係你至抵錫，賞兩個宮女俾過你嘆啦]

至抵錫, 都係得兩個咋?!
佢地...係唔係貌美如花, 柔情似水o既先?

【清平樂】團年飯記事
世間油物，歲晚多如許
炆鴨圓蹄情繫處，杯酒對肴私語

迎猴且待明朝，筵中任醉逍遙
更有桃紅點點，堂前共舞魂銷

瘋大佬, 啋~~~ 新年流流, 乜ko講作咋~~

鷹大佬, 乜你講得亞 雪翁咁變態o架?
D女就梗係貌美如如花啦~ 咁吼唔吼斗呢?
不過, 因住要面壁思過喎~ u lum u lu~~~ haha...

[乜你講得亞 雪翁咁變態o架?}

哎...點會係變態呢, 雪翁係做包裝工o架嘛, 咁梗係日日對住同日日摸住啦...唔摸點包哩?

面壁? 若果真係貌美如花既, 咁快活完, 再面壁, 我諗都係直得掛?

丁大姐: 瘋老頭向來講得出就講, 百無禁忌, 老言無欺, 乜野都唔怕, 祇要大家開開心心, 求求其其有得飲有得賭過一日賺一日. 順祝丁大姐妳個壇日日夜夜都咁旺, 收入有如入水豬籠, 男朋友們身邊圍住轉, 鮮花日日收.

哈哈~~~ 俾你笑死~ 鷹記你上當啦~
如花係乜水都唔知, 難為你仲話正添~ 笑死我啦~ 睇怕你嘆過~ 打完心口再打背脊都似~ cccc~~~

如花艷照:

瘋大佬呢樣同我好似喎~ 我又係up得出就up ga~ 如有得罪~ 多多包涵~

個壇旺唔旺唔相干, 係愛蒞同各位朋友吹水o既o者~
錢就冇人會嫌多o既~ 不過夠使就算o架啦~ 我唔大貪o架~
至於d蜂蝶o既野, 隨緣啦~ 唔使多~ 好o既一個就夠咯~~ right?

各位﹕

【丁記講到】
雪翁﹐ 咁你咁細個就對住對多誘惑﹐ 會唔會對你日後o既成長﹐有冇
Ｄ不良o既影響咁呢﹖

【雪翁】
不良o既影響就冇﹐但日後自己的個人要求高0左Ｄ啦﹗例如﹕見到穿
旗袍的女仔﹐上身『鬆鮑鮑』猶如『漏氣』﹐就覺得冇0甘吸引囉﹗

【鷹0麥推斷】
物料應該係凍冰冰0既﹐唔係火辣辣0播﹗其實雪翁已達到手中有罩﹐
心中無罩的境界了﹗不過有時見到穿旗袍的女仔﹐上身『鬆鮑鮑』

【特別報導】
近來發現不少女性內衣褲被竊﹐現場留下『飛鷹』標記﹐莫非﹖﹗

~雪蓮子

丁記, 乜妳咁o架...整件咁既野過我, 都好彩晚飯經已完全消化晒...

話時話, 乜樹桿妳整走左妳個畫廊同柔情既?

[近來發現不少女性內衣褲被竊﹐現場留下『飛鷹』標記﹐莫非]

可怒也!! 邊個膽敢冒認小王到處行兇!

係你自己背之嘛....哈哈....

啊...冇咩o既....見冇咩用咪dum鬼左佢之嘛...

遲d至同你講啦...去街街lu...

大年初三赤口, 應一應景...

【如夢令】
何處哥兒文丑
挑起烽煙之後
委屈道人前
虛假愁眉依舊
顏厚，顏厚
阿拉如來難佑

【如夢令 – 跳樑小丑】

猶見數名阿斗，
相互吹噓高手。
已病入膏肓，
情況令人乾嘔。
難救，難救，
時日怕無多久！

咁好玩...唔好執輸...和番個先...
cccccccccc.........

十分難得四姑娘和詞, 既現好玩, 就蒞多件. 唔好俾佢停咯喂...

【如夢令】
堪笑世間多醜
行事盡皆牛後
井底聞蛙聲
怪叫自言才厚
搖首，搖首
合眾也無三斗

後話, 姑娘呢個阿斗, 唔知同『鼻涕蟲』有冇關係呢?

蒞咪蒞...怕你牙?! 嘻嘻....

【如夢令 – 跳樑小丑之二】

可笑聯壇風某，
行事盡翻其醜。
且好作人師，
抄襲早稱能手。
無疚，無疚，
唾面自乾奇臭！

呢幾個阿斗, 同『鼻涕蟲』有冇關我唔知...
總之佢地連最基本o既對聯常識都唔知...
仲互相吹噓....真係唔知個醜字點寫...
尤其係果個做板主o既風月x...一日抄襲當係自己諗得好辛苦咁...
又唔肯認錯...真係不知所謂....唔信你去睇下啦....
http://forum.csn23.com/index.php?showforum=35

世路安能辨正邪
凡塵處處盡烏鴉
一聲專政珠簾內
更勝當年老佛爺

似乎我同姑娘所描o既唔係同一個人, 而係各有各描.
不過既然有個咁o既東東, 就幫姑娘炳佢一炳...

【更漏子】跳樑小丑三重唱
嗟布朽，何堪繡，
才薄又逢筆陋。
拉裙鬢，認風流，
附庸羞不羞？

骨頭輕，花臉厚，
更把牛皮胡奏。
渠內月，坑底風，
益彰污氣中

哎呀....唔記得提, 上面所講o既『花臉』, 並不是靚女個面, 而係粵劇裡面o既『大花面』...聽聞係大奸角蒞喎...

喂)))恭喜發財))))開鋪未呀，老闆？))))

�鵅H你地唔係‘趕’緊我下化？

哎呀~~~ 大和尚, 怎麼搞您會聯想到自己o架?
我地描果兩條友, 有邊忽似阿大師您哩?

我"趕"果條係上次您話剷到佢人見人愛, 車見車載果個呀...

唉, 寒流襲卡, 溫度驟降至零下三十幾四十度...真係冷到入心入肺.

【水調歌頭】寒流襲卡城寄懷
北極寒流襲，煙霧罩長空
醒來素羽凝尺，翠影渺何縱
愁對門前積雪，仰首蒼天未語，無奈又腰躬
鐵鏟頻揮動，滿面漸通紅

回屋內，重煮酒，酒香濃
持觴遠望，醺然牽掛鳳城東
忽聞電鈴輕嚮，紫燕殷勤慰問，囑咐試新絨
聽此叮嚀句，愛意暖心中

【鷓鴣天】無題
紅豆拈來惹愛憐，溫柔往事寄詩篇。
癡情燕影臨東院，薄倖飛鴻過遠天。
嗟約誓，付塵煙。何來錦瑟動心絃。
夢魂猶記迴腸處，小雨腮傍落枕邊

【安公子】客愁
怕見寒江暮
柳枝飄搖孤舟渡
歸雁群群添悵惱，客愁難數
說不盡，眸中隱隱凝煙霧
提禿筆，墨落無尋句
望帝春懷累，爭奈鵑聲頻訴

停岸探野寺，鼓鍾敲嚮紅塵路
海角天涯迷遠近，問芳顏何處
記疏狂，憑欄夜夜眉峰聚
低思回，始知離情苦
懷裡照中人，夢牽故園煙雨

【蝶戀花】又染風寒
連日東風催雪雨
似熱還冷，怎逐傷寒去
北國孤鴻悲自苦
藥香濃遍花間路

獨倚西窗斜映顧
小徑迷濛，隱見離人佇
涕淚相流燈亂舞
幽幽病骨誰憐取

唉, 孤枕獨眠雙腳凍, 無人蓋被冷傷風...

【七律】春夜感懷
野外花香笑語多，斜陽攜手鬢斯磨
山邊雨露滋芳草，嶺上蒼松護紫蘿
濁世姻緣求不得，紅塵百事已蹉跎
且邀春夜枝頭月，把酒庭前共醉歌

【七律】元宵感懷
當年有幸識嬌娥，月下花間譜愛歌
轉眼鴛鴦分兩地，幾時牛織渡銀河
窗前獨飲愁難盡，案上題詩歎奈何
燈會又臨誰與共？元宵對影互吟哦

【平韻蝶戀花】元宵夜思
衣香鬢影渡黃昏
鶯聲笑語，彷如思裡人
此時燈會念釵裙
歲月蹉跎誤三春

癡情何以竟相分
飛花送信，重尋舊夢痕
誰來與我證前身
不問蒼生問鬼神

鷹記, 咁你趕緊果個即係兵個呀?
請貓我話過我知啦...好嘛? ^^"

丁記 ))) 請移玉步迎貓...

收到! 原來又係果條犯剷頭! 一於剷到佢上天棚!
條友都唔知衰o既...以為post左首不知所謂o既詞就可以洗脫佢o既罪名咯咩?!
懶仁義道德咁....收皮啦...神又係佢, 鬼又係佢...心腸咁惡毒...拜佛喎, 食長齋都冇用啦...

個板主仲攪笑, 不合律都唔出聲, 唔知發雞盲定乜呢可?

喵喵~~~

MY SENTIMENT EXACTLY!

[個板主仲攪笑, 不合律都唔出聲, 唔知發雞盲定乜呢可]

果班友, 成日都係咁同流合污架啦..
放個屁都讚係香格...超!!

呢班友成日互相吹噓, 老鼠跌落天秤就唔在講啦...
最好笑就係post祝賀句都要講明係祝自己友...
你話呢種人幾自私丫...都唔使旨意佢地會祝賀世界和平啦...
即係望自己好, 人地衰咁解囉...
係囉...你估人地好恨佢地呢種人o既祝福咩...白痴低b呢蒞o既...ccccccccc.......

喵啦....

走去裝O下，有D見過，不過邊句係抄呢?

講到「筆漏」，唔通係話...?

好多句都係啦....將人地d原下聯post番出蒞當係自己諗o既囉....豉椒拔!

拿拿拿....仲有...整乜叉你成日玩對號入座o架...
唔准呀! 唔係趕緊你所謂o既有關人等呀...知冇?

係?o甘有冇抄我o個d?相信冇啦。o甘冇眼光，抵剷，不過冇晒豉椒，唔知落乜好。

落你降頭啦...好冇? hehe....