Que'l campu presentaba un aspeutu bochornosu naide pue ponelo en dulda, pero que se xugaron partíos en tarrenos peores tampocu.
A les 6 de la tardi, hora d'entamu del partíu, salíen los equipos a calentar. Operarios del Avilés trabayaben en quitar l'agua del campu. Les grades taben repletes de xente y respirábase un ambientazu.
Media hora mas tardi anunciábase por megafonía la suspensión del alcuentru. La rempuesta del públicu foi unánime, una pitada tremenda nes grades del Suárez Puerta.
Na salida del campu entregábase-yos a los aficionaos un resguardu col que se-yos permitiría entrar al partíu cuandu se disputara.
Los aficionaos marinistes reclamaben les perres, los 12 euros pagaos en taquiella. Nes taquielles argumentábase que les perres devolveríense a lo llargo la selmana, lo que nun convenció a los gozoniegos que nun entendíen tal decisión.
Mas d'un centerar de marinistes irrumpieron nel hall alxuntu a la Rueda de Prensa onde nesos momentos Tejero falaba. Galyíos de "Tejero usureru devuelve'l dineru", "Nun mos moverán", "Conseyeros borrachos y puteros" o "Onde tán nun se ven los direutivos del Avilés".
La direutiva avilesina nun daba la cara y tuvo que ser el Presidente del Marino'l qu'anunciare que nunos minutos devolveríase'l dineru. Esti fechu prevocó mas ires ente los marinistes que reclamaben "Que salga Tejero".
Al final llogróse que l'Avilés delvoviere los 12 euros de la entrada.