El grupu hincha de sofitu a les seleiciones nacionales d'Asturies, ASTUR [*+] HINCHES convidate a ponete con nós nel partíu que'l sábadu 28 d'avientu van xugar nel Suárez Puerta d'Avilés, de magar les 19 hores, Asturies y Hondures.
Con talu motivu, ASTUR [*+] HINCHES situaráse nel Fondu del Parque Les Meanes, polo que, en cuantes salgan les 10.000 entraes a la vienta, pidímoste qu'al mercar la tuya pídasla pa esi llugar.
Na parte cientral inferior de la grada escolingaráse la pancarta col llema del grupu. Los grupos hinches asturianos talos comu Dixebra Popular, Norte Xixón, Indar Gorri Asturies, HNT Avilés, yaeso. tendrán llibertá pa escolingar la pancarta del so grupu al lláu de la d'ASTUR [*+] HINCHES.
Prestaríemos cuntar con pancartes reinvidicatives (Oficialidá, Autodetermín, yaeso.) que puean trayer organizaciones polítiques, culturales, cíviques, yaeso., yá que pa nós l'Asturies - Hondures ye daqué más qu'un partíu de fútbol, ye tamién un actu pa la reivindicación de la identidá nacional d'Asturies.
Encamentamos a toes cuantes persones que se pongan nel sitiu de grada qu'ocupe'l nuesu grupu a llevar la camiseta de la nuesa seleición asina comu asturines. Inclusu convidamos a dalgún gaiteru a que lleve'l so istrumentu pa enllenar aquellos momentos del partíu ensin animación vocal.
Pa toles duldes que vos surdan podéis contautar con nós nel Foru Oficial d'ASTUR [*+] HINCHES asitiáu en www.lashinchadas.com o nel e-mail dixebrapopular@hotmail.com.
PUXA ASTURIES LLIBRE Y SOCIALISTA!
PUXA LES SELEICIONES ASTURIANES!
PUXA ASTUR [*+] HINCHES!