Igratelica od tenis Martina Navratilova, devjat'kratna vigratelica od Vimbldon, vzjala nazad czeske grodz'anstvo, ktoro ona stratila, kogda ona emigrovala iz bivsza Czehoslovakija v vozrast od 18 godi. V minuli god ona skazala k czeska gazeta, czo tutczas jej stid za Sjedinene Sztati od Dz'ordz' Busz jest' taki, jaki bil jej stid za komunisticzni rez'im od jej oteczestvo. "Problem jest', czo mi vibrali Busz," ona skazala. "To jest' visze losze! Nikto ne vibral komunisticzna vloda v Czehoslovakija."
Silne slova, ale li jest' pravdno moz'livo srovnivat' Czehoslovacka Socijalisticzna Republika v god 1975 s Sjedinene Sztati od Amerika tutczas?
| Czehoslovakija 1975 | Sjedinene Sztati 2008 |
|---|
| Pomimo sziroko bitije protiv despoticzni rez'im od Gustav Husak, 15% od naslenije podderz'uje vloda soglosno anketi iz god 1974: pensioneri, partijne bjurokrati, karjeristi, "paraziti", ekstremisticzne ideologi i l'udi, ktore su odpovedal'ne za stalinske zloczini i za to imajut strah na visze svobodni rez'im. | Popul'arnost' od Dz'ordz' Busz jest' okolo 30%, hot'a soglosno jedna nedavna anketa ona jest' tol'ko 19%. |
| Bezplatno zdrovoohron'anije jest' dostupno dl'a vse grodz'ani. | 47 milion Amerikan`ci (16% od naselenije) ne ima nijako strahovanije od zdrovije. Dal'sze 16 milion jest' "podstrahovano". |
| Pomimo visze visoki standard od z'itije i sziroka dostupnost' od tovari, konsjumerizm ne zadovol'a naselenije frustrovano za prezmerni politiczni gnet. | Pomimo visze visoke ceni od z'itije, konsjumerizm zadovol'a naselenije, ktoro obiczno ne zna, czo jego svobodi stavajut visze male. |
| Sredno rastenije od material'ni produkt (neto) jest' 5,7%, visze mnogo nez' cel' 5,1% planovani od pjatiletka. Nuleva bezrabotica. | Amerikanska Administracija dl'a Energijne Informaciji predskazala odricatel'no rastenije v dva dal'sze finansove kvartali; to jest' oficial'na definicija od recesija. V privatni sektor, 101 000 l'udi stratilo rabota tol'ko v fevruar'. |
| Davanije od vizi k czudz'in`ci jest' svojvol'no; priczini su "obrona od nacional'na bezpecznost'" (soglosno disidenti). | Amerikanska vloda upotrebja zakon PATRIOT Act, czobi ona zabronila k czudz'in`ci posetit' Sjedinene Sztati za ih ideologija (soglosno Amerikanska Unija dl'a Grodz'anske Svobodi). |
| Muczenije, hot'a ono ne jest' oficial'no pozvoleno, stalo tajni instrument od sztatna politika. | Muczenije jest' oficial'no pozvoleno. |
(od
Gardian)