Mutino ni muhiu kwi ngoma na ningi wiragwo wathatirie marenge ma wabere.
Jumamothi iyo irahitukire ni twetiirwo barbeque twina mama wakwa na keiritu kingi marutaga wira nakio. Gukinya kwa muiritu ucio twakorire andu ta mirongo iri aria mokite gukiruma kanyamu na kumeria gashohi. Mwene iruga nake aari na gikeno na akehumba wega agathakara. Ekirite nguo nguhi ciero cikoneka inyorokete nario inati riaihurite ta ria wambui mishoore na mikamo yake ta ballon cia funfair.
Riria twambiriirie gutarura mbaru kanda imwe murasta niyerire muiritu mwene mushie ati ni irenda kafirifiri nigwo kanyama gashame wega. Nake muiritu agiteng'era riiko agitinangia kafirifiri akirehera murasta ucio. Thutha wa uguo muiritu niashokire nyumba theine na ngwishiria athiete kumatua tondu aikarire ndagika ithano. Acooka garden agigithie nambere na mushene wake na arata aake. Turi o hau nindonire muiritu ucio atiga kwaria abruptly. Agithie konaini ya garden akihutahutia mirigoini hanini agishoka agiteng'era nyumba theine. Thutha wa ndagika imwe agishoka nja ahuana ta mundu wina wasiwasi, akenyogonda ta nyoka, agathie makinya matatu akarugama sheni ta muthigari wa chifu agishururia bendera thinashara. Haiya, muiritu akiambiriria sarakasi ta mumwo ni ngoma. Agaikara thi, akarugama, agaturama, akainainia maguru, agathathaya ciero, akahura mark time ta mujeshi agiika drill. Agaita maithori ta ngui nguru, Agathie mark time ikumi, ageeeka about turn, akaingira nyumba shwaaaaaa ta mugwi.
Ageni riria monire uria kurathie na mbere makiambiria kumuria nikii kiuru. Kamumaraihu kari hau gakooria uko poa nanii? agashokia 'sainsbury'. mundu ungi akoria nikii kiuru, muiritu agashokia 'simon cowell'. Andu oothe makiona na kanua ta ngui irite ma thaate.Hau niho arata aake atumia mamushokirie nyumba theine makamenye thina wiku na kana no mamutware thibitari.
Nako gatumia gakwa tondu ni tutumia turia twi mushene na muhahe nikanjirire uria wothe karatemanwo. Anyway ni ndikendete ona kari wakoimbeki. Kanjirire ati maingira nyumba muiretu amatwarire gwake bedroom, akiruta nguo ciothe akimonia uria murigo wake watunihite. Gatumia gakwa gathekirie ni kunjira ati hau henjetwo hakahuana inati ria mwana na nikio thina ucio wanenehire.
Kuuuuuuuuuumbe kafirifiri karia murasta ahetwo niko karehire thina ucio. Muiritu ndagithire guthuguma akiinyita nyamu yake ateethambite moko. Nako kafirifiri kau tondu ni turia tukuragio mwena wa kathmandu gatiri itheru. Kaingirire ngurumo, gagishamura, gagikaranga na gagishoma mirigo ya mwene iruga.
Ngikuhihia rugano rwakwa ni nguuga ati iruga riu no guthaatha riathatire na andu othe makeinuka na nokio ndauga mutino ni muhiu kwi ngoma.
|