Planti kainkain lotu
Kamap klostu klostu
Oli maket lo tok turu
Na tanim tokples tu
Igo lo tokpisin na Motu
Na planti burukim sukuru

Ol imekim tok promis
Lo kainkain senis
Tasol ol ikirapim bisnis
na olgeta wok lo resis
Insait lo lotu banis

haus lotu ipulap
Sampla hamamas, singaut, kalap
Sampla rausim kolos na karamap
lo betsit na taraim bilip
Tasol pundaun na go wip

Plandi taraim lo steretim sindaun
tasol popaia na pundaun
Na kolekta kap igo raun
Lo ol sipsip lo ol peles na taun
Poket iburuk na sutim giraun

Pasta ikam lo 4bai4 dakglas
Bel blo em solap na go pas
Wallet lo poket blo em fat wantem kes
Daimon lo finga sain wantem glori
Taim han blo em belesim ol man na meri

Pasta Ron kaikai na tromoi bun lo nait
Bikpla nais; Ol dok iresis na pait
Tasol ples itutak yet,
ol samting ihait
nogat planti man ilukim yet
na ol sipsip iwet
yet lo tulait…

….to be cont’d….

hey nambis....that is good and in tokpisin too... U should get hausboi to turn it into rap.... just a suggestion.
Looking out for the continuation....

jaw