( بغداديات )
بتوقيع : بهلول الكظماوي
:مقدمة
,ليس من المألوف ان نرى اشعار الفرح تنشد في مناسبات الوفيات و الاحزان
و خصوصاً في ايام استشهاد امام المتّقين ( علي بن ابي طالب /ع/ ) , و لعلمي اليقيني بان امام المتقين يفرح لفرحنا , ويحزن لحزننا , لذا اشارك شعبي افراحه باقرار دستوره الضرورة و الذي لا ندّعي له الكمال , سائلاً المولى جلّ و على ان يتمّم الفرحه بتسديد ما فات كاتبيه وهم المواطنين البرره المخلصين , تسديدهم لأتمام ما فاتهم فيه من نواقص و سهو , انّه سمع مجيب
( الف مبروك )
الف مبروك لأمتنه العراقيّـة ..... انكتب دستورنه بأيدي عراقيّة
سنّة او شيعة متوحدين من كتبوه .....وانتخبوه بكلمة نعم مدويّة
عرب وكراد و تركمان وي صبّه .... شبك بيهم او بيهم الايزيديّه
او من اتباع روح الله ابن مريم .....كلد وآشور اخوتنه المسيحيّة
شعبنه اتحزّم حزامين للدستور...... و بهمّة نشامه, همّـه ثوريّه
من كالو نعم وانتخبو الدستور...... كالو ( لا ) لحثـالة البعثيّـه
عراق الصدر كام ايفتّح اوراده .... و بلون البنفسج صبعه متحنيه
صلّو عالنبي التكبير و التهليل ....... يصدح من مقابرنه الجماعيّه
انكبر حزب البعث للابد هذا اليوم ..او طلعت الشمس اعله الحراميه
ّ
شكد حاولو حزب البعث واذنابه ........ تشـويه النتايج هالظلاميّه
مدعومين بالخفيه من الاستعمار ..... مدعومين من حكّام رجعيه
سخرو كل مجالات بصحافتهم ..... اذاعات او محطات الفضائيـه
و بابواق مأجوره بثمن مدفوع ...... كل طاقاتهم حمله دعائيّـه
بكذب مفضوح ماله كل اساس صحيح.. ادّعو لاءآتهم ميه عله ميّه
امّداهم , عمت عين البانيه التنفخ ...... الجذّاب حبـله كصير تاليّه
ولاية نبي شيت او يونس الموصل.. بيهه احرار للدستور وقـفيـه
الحمد لله النصرنه اردود من اجديد او طر نور الفجر باحله صباحيّه
يالمعبود كثّر خيرك اعلينه ... .... او حقّق للشـعب احله امانيّـه
ساعدنه يربّي انّول الاستقلال ....... او بجهود النشامه انّول حريّه
شعبنه طيّب او يستاهل الراحه .... عينه ابعين ربّه او صافي النيّه
عينه ابعين ربّه او صافي النيّه.
ودمتم لاخيكم : بهلول الكظماوي
امستردام في 25-10-2005
e-mail : bhlool2@hotmail.com
|