Ok lo wanpla skul i bin gat disla wanpla yangpla meri. Em i bin wanpla kain katim wan stret o yumi ken tok star i bin pispisim em stret. Nau lo disla skul, ol mangi save traim stret lo toktok wantaim em o stori lik lik wantaim em na olsem wokim pren wantaim em. Nogat, meri em i bin wanpla kain meri stret yah. Olgeta dei bihain lo skul bai em fest meri lo go ausait lo clasrum na wokabaut go hariap lo haus. Monin tu em save kam hariap lo skul na clasrum bipo lo ol narapla sumatin save kamap. So ol boi save traim tru lo toktok wantaim em o askim laik lo em tasol, ol sa fail olgeta taim. Nau wanpla taim, tripla mangi usait i laik stret lo toktok wantaim meri yah i bin painim way lo wokim samtin stret. So ol i bin kisim ol bruk botol na sutim lek blo ol na sua kamap lo leg blo ol. Nex dei, ol i go lo skul na bipo lo 3:oopm lo apinun, ol boi ros yah go sanap lo skul gate na wetim meri aninit lo wanpla mango ya lo kam. Taim ol lukim em kam, ol tokim em " aiya susa, inap yu kalapim mango blo mipla?" Meri yah i pulim nus tasol na tok nogat, mi mas go hariap lo haus, mama papa blo mi bai koros sapos mi no kamap lo taim. Ol boi ros i soim ol kat lek blo ol lo meri ya na tok susa mipla inap lo kalapim tasol mipla tripla wantaim gat bikpla sua olsem na inap yu kalap blo mipla. Man meri tok nogat na ol boi tu i strongim kona blo igo kam, igo kam inap meri tok orait lo em bai kalapim mango blo ol. Bihain lo em kalapim mango, em kam daun na go lo haus blo em wantu wan stret. Taim em kamap lo haus, mama blo em korosim em nogut tru bikos em fest taim meri ya kamap leit lo haus. Mama askim em, lo wanem em i kam leit. Na yangpla meri ya tokim mama blo em olsem emi bin kam late bikos em kalapim mango lo givim lo ol sampla boi. Man mama blo em kirap na i tokim em " AIYA PIKINI, WAI YU KALAPIM MANGO TAIM OL MANGI YA SANAP ANINIT? OL GIAMANIM YU TASOL LO LUKIM PENS BLO YU YAH." Na pikinini meri i tok " AH, MAMA YU NOKEN WARI LAKI STRET OLSEM MI NO BIN WERIM WANPLA PENS DESLA TAIM."
Cheers..
Goimahn
|