Abante Tonite! January 5, 2004

Malamang, maunahan pa ni Antoinette Taus si Vanessa del Bianco sa pag-alis ng bansa after the holidays. Nakatakdang lumipad sa Huwebes (Enero 8) si Antoinette para sa Los Angeles. Muling susubukan daw niya ang magkaroon ng entertainment career sa US.

May agent na raw siya sa Hollywood area at haharapin na raw niya ang pagkanta at recording. Ayon kay Antoinette, she has given herself five years for this.

May auditions siyang aatupagin doon pero later this year, babalik din siya sa bansa dahil may commitment siya. Kasama niya si Dingdong Dantes sa project na ito.

Open na ngayon si Dingdong na sila at tila nasasanay na siya na wala rito ang Lady Love niya. Malapit lang daw ang US kung may time siya, sabi niya.