Marianito Cayao Jr.: (former ADD District Servant) "Napakalaki po ng pagkakaiba ng aral na tinatangkilik, sinusunod, tinutupad ng INC kung ikumpara natin o ihahambing natin sa mga aral na sinusunod ng samahang Ang Dating Daan. Ang INC ay sumampalataya na ang lahat ng aral, lahat ng salita ng Dios ay nakasulat sa Biblia. Doon nakabatay ang bawat tuntunin, bawat utos patuparin na siyang dapat sundin ng buong iglesia. Whereas kung ating ihahambing doon sa Ang Dating Daan, ang mga kaanib ng Ang Dating Daan ay inilalapit kay Ginoong Soriano. Ang mga kaanib ay naging panatiko kay Ginoong Soriano. Kung ano ang sasabihin ni Ginoong Soriano ang siyang pinaniniwalaan ng mga kaanib, kahit taliwas doon sa mga pamamahayag na nakasulat sa Banal na Kasulatan.
Pangalawa po, ang INC ay nag tuturo at sumampalataya sa tunay na Dios. Whereas kung Ang Dating Daan, walang problema kung ilan, isa, dalawa, tatlo, isang baranggay ang Dios, walang problema sa kanila. Taliwas iyan doon sa itinuturo ng Banal na Kasulatan na dapat ang tao ay sumampalataya sa iisang tunay na Dios lamang. Turo ng mga propeta, turo ng ating Panginong Jesucristo, turo ng mga apostol at maging ng turo ng mga sugo ng Dios sa mga huling araw" (audio/video)
Pangatlo, ang INC ay binigyang halaga ang tunay na iglesia, hindi sapagkat ang iglesia ang magliligtas ng tao kundi ang iglesia ang ililigtas ni Cristo. Ito ang avenue o paraan upang ang tao sa huling kapanahunan ay maligtas. Pero sa samahang Ang Dating Daan, kahit anong samahan ligtas ka. Kaya nga iyong mga kaanib sa samahang Ang Dating Daan hindi alam kung saan sila kaanib. Maging sa buong duktrina walang tinatalakay, anong samahan ang iyong aaniban, bakit? Apat po ang pangalan ng samahang iyan, alin doon ang ililigtas? Dati tinutukoy ni Soriano kailangan nakakapit iyong pangalang Dios, nang matalo sa kaso wala nang Dios (audio/video)
Ramil: At saka kapatid na Jun, meron po akong itatanong sa inyo, ano po ang masasabi ninyo ngayon na kayo po ay kaanib na sa INC? Marianito Cayao Jr.: "Mula nang ako'y maanib sa INC, akin pong tinatandaan ang lahat ng duktrina na aking napakinggan at aking sinampalatayanan sa panahon nang ako'y dinuduktrinahan pa. Lahat ng duktrinang 'yan ay walang nabago kahit isa. Naturuan po ako sa loob ng INC kung paanong maglingkod sa Dios, paano bigyan ng kahalagahan ang pagsamba sa Dios, na ang pagsamba at ang pagkakatipon ng mga kaanib sa INC ay isang banal na bagay at hindi pangkaraniwan nga kung saan gaganapin. Hindi katulad sa dati kong kinaaniban kong samahan, parang palengke ang aming dakong pinagdarausan ng mga paglilingkod sa Dios. At hindi tao ang nagtuturo sa amin, lahat naka-tape. Luluhod ka, manalangin ka sa harap ng television, walang kabanalan! Hindi mo madama ang kabanalan ng iyong pagsamba. Napakalayo, nakapalayo po ng pagkaka-iba ng samahang Ang Dating Daan kumapara mo sa INC (audio/video)
Paul: At meron din akong nais na itanong kapatid na Jun Cayao, dahil sa nakilala mo ang kahalagahan ng INC, narito ang tamang duktrina ay papayag ka pa kaya na kung saka-sakali may mga dumating na mga pagsubok, mga problema, anomang mga kahadlangan na mahiwalay sa iglesia?
Marianito Cayao Jr.: Hindi na po. Bakit? Bago kasi ako naanib sa INC, hindi birong pagsusuri ang aking ginagawa. Mahabang panahon at ako po ay talagang nagbabasa hindi lang sa isang salin ng Biblia kundi maging sa halos lahat ng salin available. Natuto akong magbasa ng Greek, natututo akong magsuri ng papaanong basahin iyong salitang Hebreo para hindi maligaw. At natitiyak ko na ang INC ang siyang tunay na iglesiang itinatag ng ating Panginoong Jesucristo. (audio/video)
Dumaan ako ng napakaraming pagsubok sa buhay bago ako naanib sa INC. Isinumpa na siguro ako ng dati kong mga kasama dahil sa maling paniniwala na kumalas ako sa samahang Ang Dating Daan dahil sa pakinabang, iyan ang kanilang ibinabato sa akin. Pero, subalit ang lahat ng iyan ay puro kasinungalingan. Mas nakinabang ako sa panahong nasa Ang Dating Daan pa ako kaysa sa kalagayan ko ngayon. Ang kalagayan ko ngayon, napakahirap po. Malayo sa pamilya, maraming umuusig sayo, naranasan ko na po. At kung darating man ang panahon na mas matindi pa ang pagsubok ang kailangang harapin dahil ako'y sumampalataya na ito ang iglesiang ililigtas ng ating panginoong Jesucristo, sa anumang paraan walang kadahilanang ako'y bibitaw sa INC (audio/video)
Michael: At kapatid na Jun Cayao bilang isang dating district servant 'dyan sa samahang Ang Dating Daan at ngayon ay INC kana at kasalukuyang nag-aaral na para maging ministro sa iglesia, baka meron kang
gustong ipanawagan sa mga dati mong kasamahan o kaya lalo na doon sa mga naakit mo para sumama doon sa iyong dating ah samahang kinalalagyan o sa Ang Dating Daan
Marianito Cayao Jr.: Sa mga dati kong kasama sa Ang Dating Daan, taos sa puso po akong 'nanawagan sa inyong lahat...Nakita ko na po ang tunay na iglesia. Maratnan man tayong buhay, maratnan man tayong nakahimlay, natitiyak natin bubuhayin man tayong mag-uli makamtan natin ang ipinangako ng ating Panginoon Dios, buhay na walang hanggan. Gusto kong ibahagi sa inyo ang aking nakitang katotohanan. Sana po...magkasama tayo rito. Sama-sama tayong magtamo ng biyayang mula sa Panginoong Dios. Wala kayong pag-asa sa samahang Ang Dating Daan kahit katiting. Napakalayo po ng paraan ng paglilingkod...hindi kasang-ayon 'kalooban ng ating Panginoong Dios. Napakalayo po mga kapatid, napakalayo. Iba sa paglilingkod na ginaganap ng INC. At hayag man siguro sa inyong paningin kung paano binago ang tao ng siya ay maanib sa INC. Kailangan natin ang isang sakdal na paglilingkod upang tayo ay maging karapat-dapat magmana ng kaharian ng langit (audio/video)
lalong lalo na sa mga dating kasamahan diyan sa add. Ang tuligsa nila sa bagong kaanib sa Iglesia e dahil daw sa pakinabang, gaya rin ng ibinibintang nila sa kilala ko ring umalis sa add at pinagkakalat na binayaran daw although I'm 100% sure na hindi naman dahil kasama kong nagpadoctrina at kusang umalis sa add. Salamat sa Diyos ang lahat ng kapurihan!
Scoring disabled. You must be logged in to score posts.
Kung may pakinabang na makukuha sa INC, yun ay pakinabang na espiritual sapagkat nasa Iglesia ni Cristo ang tunay na aral sa ikatatamo ng tao ng buhay na walang hanggan. Yan ang offer ng INC, hindi salapi o anomang pakinabang na panglupa! Kalokohan yang sinasabi ng ADD na binabayaran o sinusuhulan anya yaong mga dating ADD members na lumulipat sa INC!
Sa Iglesia ni Cristo, at least 6 months buhat nang ikaw ay magpadoctrina bago ka mabautismohan. Ang pagpapadoctrina sa INC ay aabutin nang mahigit isang buwan. Kung nagpaparami lang ng miembro ang INC, e di tutulad na lang sa style ng ADD na 2 weeks lang ang doctrina, kulang sa isang buwan ay miembro ka na.
Scoring disabled. You must be logged in to score posts.
Current Topic - Ang pagkakaiba ng ANG DATING DAAN sa INC - Marianito Cayao Jr.(former ADD Distict Servant)
Talakayan ng mga duktrina at sinasabi ni Eli Soriano at ng kanyang Ang Dating Daan.
Ano mang mga isyu tungkol kay Eli Soriano ng Ang Dating Daan ay pwedeng pag-usapan dito. Lahat ng taga-pagtangol ng Ang Dating Daan ni Eli Soriano ay ina-anyayahan na ipagtangol ang anumang sa inaakala nyong di wasto ang mga sinasabi dito sa forum na ito at makaka-asa kayong di mawawala o di mabubura ang inyong mga kasagutan.
Ang maaari lang mabura o ma-delete ay ang mga sumusunod....
1.Malicious codes
2.Mga pics na hindi na katangap-tangap
3.Nang-gugulo lamang sa forum
Listahan ng IP Kaanib sa Ang Dating Daan ni Eli Soriano na nangugulo dito sa forum.....
