Return to Index  

HA.YADDA QARAMADA MIDOOBAY OO XAFIISKEEDI UU HOREYAY KA FURATAY BAYDHABO, SOMAALIYA

October 27 2001 at 5:32 PM
BAYDHABO PRESS 

 
HA.YADDA QARAMADA MIDOOBAY OO XAFIISKEEDI UU HOREYAY KA FURATAY BAYDHABO, SOMAALIYA

BAYDHABO Oct 27, 2001 (BP)-Hay,adda Qaramada Midoobey ayaa todobaadkan magaalada Baydhabo ka furtay xafiiskedii u horeyay ee UNDP Soomaaliya (UNDP SOMALI HEAD QUARTER). Munaasabad si weyn loo soo agaasimay oo lagu maamuusayey xaruuntan cusub ee Qaramada Midoobay Soomaaliya ayaa todobaadkan ka dhacday magaalada Baydhab.

Ugu horeyntii waxaa halkaas ku soo bandhigay riwaayad ka turjumaysay xaaladda dalka uu haatan marayo iyo ciyaaraha hidaha iyo dhaqanka fannaaniitna kooxda Arlaadi, ka dib waxaa hadal gaaban ka soo jeediyay Guddomoiyaha Gobolka Baay Md. Maxamed Cali Aadan (Qalinle) oo ka waramay marxaladihii kala duduwunaa ee uu soo maray Gobolka Baay iyo guud ahaan meelaha ay haatan ka taliyaan Ururkiisa,wuxuuna mahad u soo jeediyay Q/Midoobey ka dib waxaa uu codbaahiyaha ku soo dhoweeyay Guddomiyaha Ururka Wax iska Caabinta Reewin (RRA) Md. Dr. Xasan Maxamed Nuur (Shaatigaduud) oo ka hadley Xaaladda guud ee uu haatan marayo waddanka Soomaaliya iyo sida lagama maarmaan u tahay in UNka gacan ka geeysto sidii looga gudbi lahaa musiibada ku habsatay Soomaaliya oo ay ugu horeyso abaaro is daba joog ah oo daba dheeradey iyo sidii Soomaaliya looga helilahaa Dawlad loo dhanyahay oo cadaald ku dhisan ,islamarkaana waxaa uu mahad ballaaran uu u soo jeediyaya dhammaan Hay’adaha UN-ka ee ka howl gala Soomaaliya ,Shatigaduud waxaa uu u ballan qaaday in ay gacan weyn ka sii ddoonaan Xafiiskan howsha culus ee sugaysa sidii uu u gudunalahaa .

Ka dib waxaa hadalkii la wareegay Xiriiryaha guud ee howlaha Bini’aadaminimo u qaabilsan Q/Midoobay Randolph Kent oo sheegay in Baydhabo tahay meel ammaan ah sida awgeed nasiib u yeelatay in ay ka Furaan Xafiifka UNDP ee Soomaaliya waxaana ammaan uu u soo jeediyaya Maamulka RRAda. Waxaa munaasabadii lagu maamusayey furitaanka Xafiiskan ka soo qeybgalay Wafdi ka socda Hay’adaha UN-ka oo ka yimid Magaalada Nairobi ee dalka Kenya, dhammaan Gudiga Fulinta ee Ururka RRA, Mas’uuliyiin ka tirsan Golaha SRRC iyo dadweeyne aad u tiro badan.


(BAYDHABO PRESS)

 
 Respond to this message   
Find more forums on Network54Create your own forum at Network54
 Copyright © 1999-2017 Network54. All rights reserved.   Terms of Use   Privacy Statement