To: BAYDHABO PRESS, Riverineland Web , Maymaay Web. ArladiNet. Arlaadi.com
Ujeedo: Cambaareyn Weerarkii Hubaysnaa Maleyshiyada C/qaasim ee Degmada Tijeeglow Gobolka Bakool.
OTTAWA Jan 6, 2001 (BP)-Shir deg-deg ah oo ay isugu yimaadeen Gudoonka Qowmiyada Digil iyo Mirifle ee North Amerika, oo lagu qabtay Magaalada Ottawa ee dalka Canada, Janaayo 06, 2001, ayagoo matalayaan dhamaan Qawmiyada D&M ee ku nool dalka Somaaliya dibadiisa.
Waxay canbaareenayaan weerarkii hubaysnaa ee ay ku qaaday maleyshiyada C/qaasim Salad Hassan Degmada Tijeegloow ee ka tirsan gobolka Bakool.
Dagaalkaas hubeysnaa ee gardarada ah wuxuu markhaati cad u yahay oo keliya ujeedada awood balaarsiga militeri uu C/qaasim ku damac san yahay inuu ku gumeysto Qowmiyada Digil iyo Mirifle.
Sidoo kale Gudoonku wuxuu cambaareyn u soo jeediyay dawladaha gacan ka geysta, deeqdana siiya Burcadda C/qaasim Salad, si loo xasuuqo, loona barakiciyo ummadda nabada jecel ee D&M. Ayagoo isla markaasna ugu baaqay in dadka D&M ee tageersan kooxda Carta aanay noqon kuwo loo adeegsado burburka , barakicinta & daadinta dhiigga walaalohooda.
GUDOONKA DIGIL & MIRIFLE EE
WAQOOYIGA AMERIKA(N/America)
DR. HASAN HAJI ABUKAR
(BAYDHABO PRESS)
|