Matagal pa pala ang ipaghihintay ng fans nina Judy Ann Santos at Ryan Agoncillo na muli silang mapanood sa soap dahil mid-October pa naka-schedule simulan ang taping ng soap nilang may working title na Isabel.
Dapat September mag-i-start ang taping, pero nabago’t uunahin ang Walang Kapalit nina Claudine Barretto at Piolo Pascual.
Hindi rin agad maipalalabas ang soap kahit matapos ang taping dahil June next year ang airing schedule nito.
Ang sabi ni Alfie Lorenzo, 10 months walang visibility ang aktres at mabuti’t may shows sa US sa November at December.
Busy din ito sa four times a week sa cooking lessons niya under chef Gene Gonzalez. Nasusuportahan din nito si Ryan sa Philippine Idol at lagi ngang nanonood.
Pero, tuluy-tuloy ang meeting ng staff for the soap, na ididirek nina Rory Quintos at Don Cuaresma. Sa initial casting, kasama sina TJ Trinidad at Derek Ramsey, pero inilipat ang una sa Pedro Penduko nang mapansing sila rin ang kasama ni Judy Ann sa Krystala.
