Afka la isku qab-qabto waxa keenay

Walaal Bake, waa runtaa dadkeyna Soomaalida aad bay u jecel yihiin in wax yar ama hadal yar isku qabtaan, xalna loo helin. Waxa arrintaasi keenay waxaa ka mid ah, iskaba daa in afka Maayga iyo Maxaatiriga la isku qabto. Waxaa la isku qabtaa in Maayga dhecdiisa la isku yiraahdo Maayga ka reer Bay/Bakool ayaa ah kan saxa ah, Maayga ku hadlaan reer Digil oo degaan Shabeelaha hoose, Jubbooyinka ma aha af Maay sax ah.

Aniga waxaan qabaa in afka Maayga uu badan yahay, qabiil kasta ama degaan kasta midkiisa gooni u yahay, una sax san yahay. Waxaad ka soo qabataa afka Maayga ku hadlaan Bay/Bakool in uu ka baddelan yahay afka Maayga ay ku hadlaan dadka dega Diinsoor, Qoryooleey, Baraawe, sablaale, Daafeed, Aw-dhegle iyo Afgooye.
Sidaas darteeda, waa run sida aad sheegtay in af Soomaaliga uu dhameystirneen, wuxuuna u baahan yahay cilmi baaris dheer, ereyo bixin badan iyo suugaan cilmiyeesan.

Waxaan ku soo gabagabeynaya in uusan jirin cid afkeeda ka sax san yahay cida kale, cid walba keeda ayaa u saxan, haddii kale waa in cilmi baaris dhameystiran la isla sameeyaa, iyo yaan la isku qab-qabsanin hadalo aan micno weyn sameyneynin.