不經不覺雙子星號已行走蛇口線一個月了，而我亦去過幾次，船就細D遇到浪大的時候搖晃得幾利害，上水去越南有百幾人但就無人去餐廳食飯，因為暈船，D人係房睡覺。
可能條線新唔係太多人去試過得30人去越南，最多人都係星期二同三因為由香港去所以人多D，24、25號更有4~5佰人。
因為人唔多所以船上收費較其它船平，碼頭費每程38元，有一樣唔同係麗星將桑拿同七樓卡拉OK包左俾人自己做番五樓船頭兩間房。
再講大家關心的食住問題，食就得兩個餐廳一個係四樓海華宮，食中餐環境幾舒服，平安夜有魚翅、龍蝦、鮑魚同雪蛤羔糖水正掛！六樓就係自助餐食物水準要比其它船高小小，宵夜食到三點但就無24小時自費餐廳。房間就大過雙魚細過獅子(廁所)分雙人(兩張床合併)及四人房。
如果真係賭錢的人就唔會上雙子啦，因為上左船成11個小時後先有得賭，當你12點上船，1點幾開船，4點幾到蛇口(賭場沒有開)7點幾8點開船返港(真係返香港經香港島南面再出公海，所以攪到夜晚11點賭場先開)。

Hello Norwagian Star,

你平安夜個日都有上SuperStar Gemini ? 我都係喎.
講真呢兩日我覺得隻船都係好少人(可能因為我第一次上SSG啦)

你24號晚幾點食飯呢? 如果係6點幾食既話,
係Mariners Buffet有"船長晚宴"呀, 見到船長仲有影相, 幾正.
SSG食物真係幾正, 晚上buffet 有壽司同煙三文魚食.

可能因為船細, 娛樂設施真係較少, 最失望係個電子遊戲中心,
雖則我上船唔係為左打機.
仲有唔好講笑, 個晚隻船真係幾拋下

不過隻船Classes幾豪, 最靚係"樓高五層的日光玻璃門廊及天幕",
好正

最後想多謝Andy, 之前解答我問題, Thx
有機會的話都想再上SSG一次

Scanned some photos, hope all of you like it


我張船咭




從四樓看"樓高五層的日光玻璃門廊及天幕 5-storey Atrium"


近船尾的電梯

加送一張

從SuperStar Gemini看Wasa Queen

Jacob

我果日都係六點左右食飯不過先食海華官，我想六樓唔係船長晚宴掛地方咁細，可能係船長係度食飯因為我成日都見D高級職員係度食飯。果晚蛇口返港成伍佰幾人比前一晚多十倍人(23號我都係雙子得40幾人)。
講起個game room就失禮人仲細過間客房，我個仔都未試過上船唔打機(仲係兩日)。

多謝Jacob 的相片分享呀，多Ｄ黎貼相啦！

講開又講，SSG Ｄ膳食又真係唔錯，只不過少Ｄ餐廳選擇。果個5層樓高既光玻璃門廊就真係靚啦，雖然唔係好大，不過就有一個好豪既感覺！你們唔講我都差Ｄ唔記得有電子遊戲中心呀，果個電子遊戲中心真係......哈哈！睇過就知乜事啦；大家仲記唔記得金牛星呀?佢個電子遊戲中心都係所差無幾架咋！講面積，SSG果個仲大Ｄ添。

不過如果係鍾意享受細船既感覺，SSG就真係唔錯！不過要抵得暈船浪呀！

p.s.衷心感謝你地對香港郵輪討論區的支持，我呢幾日真係好 開心，萬分感謝......

在眾多的網頁中，唯獨您選擇了我們，萬分多謝您的支持......


香 港 郵 輪 天 地http://go.to/hkcruisehub
香 港 郵 輪 天 地 -- 為 郵 輪 假 期 愛 好 者 提 供 一 些 本 地 及 海 外 郵 輪 的 新 消 息
香 港 郵 輪 討 論 區 -- 為 郵 輪 假 期 愛 好 者 提 供 一 個 詢 問 及 分 享 經 驗 好 地 方