嘩！呢幾日咁多人想知道小弟既資料?好啦，咁我講下啦。
其實站長同大家一樣，都係喜歡郵輪假期的人，都係普通的Crusier，我諗我算係一Ｄ比較遲既Cruiser添，我只上過獅子星，雙魚星同埋金牛星咋。
只不過可能我不單止係鍾意郵輪，加埋我鍾意船同航海！所以我會知道"海"同船既野多Ｄ。點解我會知道麗星郵輪咁多野?如果有留意麗星郵輪既網頁，同埋其他國際既郵輪組織網頁，可能你會仲知得多越過我呀！另外，有一本雜誌"Ships"講很多船既資料，當中梗有郵輪啦。呢Ｄ本雜誌可以係"頁壹堂(Page One)"搵到，不過我唔建議大家買，因為都既貴下，除非你係非常鍾意船啦，咁就另計！
至於有人問我，係"香港郵輪天地"同埋"香港郵輪討論區"既資料既真確性，我諗可以咁講，係"香港郵輪天地"網頁內的資料，我會盡力確保佢地既真確性，不過有時候有Ｄ因素，例如：郵輪公司突然改變計劃，呢Ｄ係我控制唔到，但係我都會盡快去更正。
但係至於"香港郵輪討論區"內的資料，我就真係唔敢保證全部真確，因為"香港郵輪討論區"屬於一個公眾的地方，我唔可以保證或者鑑定其資料的真確性，"香港郵輪討論區"可以話係一個分享中心，我希望可以合眾人之力，為其他Cruiser解答一Ｄ問題，又或者分享下大家既經驗。
另外，有關雙魚星前身的相，係我一個外國朋友send俾我，我都唔係好清楚來源，不過果Ｄ相真係非常珍貴，所以我先貼出黎。獅子星號模型，我記得應該係一間叫Classic Ship既公司出既，網址：http://www.classic-ship.de，去Next Future project，就會搵到SSL模型既資料。我之前寄過E-mail俾佢地，有以下既答覆：
Dear Mr. Yip,
thanks for your mail. SUPERSTAR LEO is in the planning stage. DAte of release is not known up to now.Please chek our web site from time to time.
Best regards
Gerd W. Schoen
CSC
香 港 郵 輪 天 地